முட்டுக்காடு படகு இல்லம் - Muttukadu Boat House

சென்னையில் இருந்து மாமல்லபுரம் போகும் பாதையில் 30 வது கிலோமீட்டரில் அமைந்துள்ளது இந்த படகு இல்லம். தமிழ்நாடு சுற்றுலா வளர்ச்சி கழகத்தின் கட்டுப்பாட்டில் இயங்கும் இந்த படகு இல்லத்தில்  மோட்டார் படகுகளும், துடுப்பு படகுகளும், பெடல் படகுகளும் இயங்குகின்றன.

கடல் நீரில் படகை வளைத்து, வளைத்து ஒட்டும் போது ஏற்படும் திரில்லும், சில திருப்பத்தில் சிலீரென உடம்பில் பட்டுதெறிக்கும் தண்ணீரும், நீரைக்கிழித்து செல்லும் படகின் வேகமும், முகத்தில் அடிக்கும் குளிர்ந்த காற்றும் என இந்த மோட்டார் படகு தரும் பரவசம் தனிரகம்.

கோவைக் குற்றாலம் - Kovai Kutralam

கோவைக் குற்றாலம் சிறுவாணி நதியில் அமைந்துள்ள அருவியாகும். கோவையிலிருந்து 37 கிமீ தொலைவில் அடர்ந்த கானகத்தில் அமைந்துள்ளது. இயற்கை எழிலுக்கும் தெளிவான நீரோட்டத்திற்கும் புகழ் பெற்றது. பாதுகாக்கப்பட்ட கானகப்பகுதியில் அமைந்துள்ளதால் மாலை 5 மணிக்குப் பிறகு பயணிகளுக்கு அனுமதி கிடையாது. வெயில் காலங்களில் இப்பகுதி நல்ல குளிர்ச்சியான காற்றையும், குளிர்ந்த நீரையும் தருவதால் பொதுமக்கள் சுற்றுலா மேற்கொள்ள ஏற்றதாக விளங்குகிறது

தொங்குப் பாலம்

மருதமலை - Marutha Malai

கோயம்புத்தூரில் இருந்து 15 கி.மீ தொலைவில் மேற்குத்தொடர்ச்சி மலைகளில் அமைந்துள்ளது. இங்குள்ள முருகன் கோயில் முருகனின் ஏழாம் படைவீடாகக் கருதப்படுகிறது. இக்கோவில் மிகவும் பழமையானது. திருமுருகன்பூண்டியில் கோவிலில் உள்ள கல்வெட்டுக்களில் இக்கோவிலைப் பற்றிய குறிப்புக்கள் உள்ளன. அது ஏறக்குறைய 1200 ஆண்டுகள் பழமையானது. இக்கோவிலுக்கு அருகிலேயே பாம்பாட்டி சித்தர் குகைக்கோவில் ஒன்றும் உள்ளது.

பரம்பிக்குளம் - Parambikulam

பரம்பிக்குளம்

நண்பர் ஒருவரின் திருமணத்திற்காக கோயம்புத்தூருக்கு நண்பர்களோடு சென்னையிலிருந்து இரயிலில் பயணித்தோம். கோயம்புத்தூரிலிருந்து பரம்பிக்குளம் 96 கி.மீ Tempo Traveller ல் பொள்ளாச்சி, டாப்சிலிப் வழியாக சூடான காபியோடு தொடங்கியது எங்கள் பயணம்.

பொள்ளாச்சியில் சாரல் மழையும், டாப்சிலிப்பில் யானையும், குரங்‌குகளும் மற்றும் இதர பறவைகளும் குரலெழுப்பி இனிதாய் வரவேற்றன.

டாப்சிலிப் சோதனைச்சாவடி தொடர்ந்து அதே பாதையில் பரம்பிக்குளம் நோக்கி இதமான இசையோடு மிதந்துச் சென்றோம். பரம்பிக்குளம் சோதனைச்சாவடியில் மான்களும், மயிலும் எங்களை அன்பாய் வரவேற்றன.

கேரள அரசின் வனத்துறை நிர்வகிக்கும் "Tented Niche"ல் தங்குவதற்கு முன்பதிவு செய்திருந்தோம். Tented Niche குறித்து மேலும் விபரங்களுக்கு Parambikulam Tiger Reserve

நல்ல உணவு, இருப்பிடம் மற்றும் சிறந்த சேவைக்காக கேரள வனத்துறையினரின் சிறப்பான பங்களிப்பு நமக்கு மேலும் உற்சாகமளிக்கிறது.

Program Schedule (Kerala Forest Dept.)

Day 1

12.45 pm : Checkin
 1.00 pm : Welcome drink (Soft)
 1.30 pm : Lunch
 2.45 pm : Briefing and Orientation
 3.15 pm : Jungle Safari
 5.00 pm : Bamboo Rafting
 5.45 pm : Tribal Symphony
 6.00 pm : Dusk Drive
 8.30 pm : Dinner

Day 2

 6.00 am : Wakeup call & Tea
 6.30 am : Trekking & Bird Watching
 9.00 am : Breakfast
10.00 am : Interpretation Centre
11.30 am : Checkout

வன உலா - Jungle Safari

வன உலாவில் மான்கள், சிறுத்தை, காட்டெருமை, கரடி, மயில், குரங்குகள் மற்றும் பறவைகள் என மிகச் சிறப்பாய் அமைந்தது.

வானவில் - Rainbow

இயற்கையும் வானவில் கொண்டு இதமாய் வரவேற்றது.

மூங்‌கில் தெப்பம் - Bamboo Rafting

சாரல் மழையில் மூங்‌கில் தெப்பத்தில் பயணம் நாங்‌கள் மிதக்காமல் பறப்பது போல் உணர்ந்தோம்.

Tribal Symphony

பழங்குடியினரின் ஆடலும் பாடலும் மிக மிக அமர்க்களம்.

Dusk Drive

Trekking

ஒரு நாளை மிக அருமையாய் கழித்தோம் பரம்பிகுளத்தில், பிரிய மனமில்லாமால் விடைப் பெற்றோம். ஆழியார் அணை செல்லும் முன் வழியில் மாசாணி அம்மன் கோவில்.

ஆழியார் அணை

போதிய பராமாரிப்பு இல்லாமல் பாலிதீன் மற்றும் பிளாஷ்டிக் குப்பைகளாக நமக்கு வருத்தமே எஞ்சியிருக்கிறது. தமிழக வனத்துறையினரின் அலட்சியம் நம்மை மேலும் சோர்வடையச் செய்கின்றன.

இயற்கை மீதான கண்ணோட்டமும் கவனமும் செலுத்துவதில் தமிழகம் மிகவும் பின்தங்கியிருப்பது நிதர்சனம்.

புகைப்பட வல்லுநர்கள் - Photographers

1. Sankar Balu
2. Sajeesh Babu K
3. Muthukumaran Santhanakrishnan
4. Hemakumar Jayaraj
5. VijayaKumar Jayamani